د مهاجرينو چارو وزارت مسلکي مرستيال د (IHH) موسسې څخه د راستنېدونکو او بېځايه شوو سره د همکاريو غوښتنه وکړه

anwari_morr
سه‌شنبه ۱۴۰۱/۱۱/۱۱ - ۱۷:۲۲
-

د مهاجرينو او راستنېدونکو چارو وزارت مسلکي مرستيال مولوي عبدالرحمن راشد  د سلواغې په (۱۱) په کابل کې د ترکيې هېواد د (IHH) موسسې له رئيس ښاغلي مجاهد کليچ سره ليدنه وکړه.

په ناسته کې چې په مهاجرينو چارو وزارت کې ترسره  شوه، د مهاجرينو چارو وزارت  مسلکي مرستيال وويل، بېځايه شوي د څښاک پاکو اوبو، کار موندنې، روغتيا او  ښوونې او روزنې په برخه کې مرستو ته اړتيا لري او موږ غواړو چې ددې اړتياوو د پوره کولو په برخه کې د (IHH) موسسه د مهاجرينو چارو وزارت سره  همکاري وکړي.

هغه زياته کړه، ددې لپاره چې راستنېدونکي بېرته مهاجرت ونه کړي اړينه ده، چې دوی ته د کار کولو زمينه برابره شي او د کرنې د ودې او پراختيا له لارې د کار پيدا کول د راستنېدونکو په دوامداره بيا يوځای کېدو کې ګټور ثابتيدای شي.

د (IHH) موسسې رئيس وويل، چې غواړي په بلخ ولايت کې د بېځايه شوو په يوه کمپ کې يو ښوونځی او يوه مدرسه جوړه کړي، چې ددې لپاره د مهاجرينو چارو وزارت همغږۍ او منظورۍ ته اړتيا ده.

نوموړي وويل، دغې موسسې د افغانستان په بېلابېلو ولايتونوکې د اړمنو کسانو لپاره د څښاک د پاکو اوبو د برابرولو په موخه (۷۵۰) څاه ګانې کېندلي، شاوخوا (۵۰۰) يتمانو سره يې مرستې کړي او ( ۱۵۰۰) کورنۍ ددې موسسې د بېلابېلو پروژو تر پوښښ لاندې نيول شوي.

 

تازه خبرونه

پنجشنبه ۱۴۰۲/۱۲/۳ - ۱۳:۱۸
Background image

مسلکي مرستیال د مهاجرت نړیوال سازمان د بې ځایه شویو د څارنې د پروګرام له مسول سره ولیدل

د مهاجرینو وزارت مسلکي مرستیال مولوي عبدالرحمن راشد په افغانستان کې د مهاجرت د نړیوال سازمان څارنې پروګرام (DTM) له رییس ښاغلي یاسین الحمداني سره پخپل کاري دفتر کې ولیدل.

مسلکي مرستیال. . .

چهارشنبه ۱۴۰۲/۱۲/۲ - ۲۰:۲۸
Background image

د وزارت مسلکي مرستیال او د غزني ولایت امنیه قوماندان لیدنه وکړه

د مهاجرینو او راستنېدونکو وزارت مسلکي مرستیال مولوي عبدالرحمن راشد د غزني ولایت له امنیه قومندان مولوي مخدوم محمد عالم رباني او مل پلاوي سره پخپل کاري دفتر کې ولیدل.

په دې لیدنه کې. . .

چهارشنبه ۱۴۰۲/۱۲/۲ - ۲۰:۲۸
Background image

د مهاجرینو په وزارت کې د بې ځایه شویو د لېږد په موخه د همغږۍ ناسته وشوه

خپلو اصلي ځايونو ته د بې ځايه شويو کسانو د لېږد د همغږۍ ناسته د مهاجرت نړيوال سازمان د استازو او په افغانستان کې د ملګرو ملتونو د بشري مرستو د همغږي کوونکي په شتون کې د داخلي بې ځايه. . .

بېرته خبرونه ته