د دوه اړخیزو همکاریو هوکړه لیک په اړه له ترکي چارواکو سره د حکومت د خبرو اترو دوام
دکډوالواوراستنېدونکو چارو وزارت دپناه غوښتونکو مرستیال وفي الله کاکړترکيې ته په خپل سفرکې دترکيې دلوړپوړوچارواکو سره ددواړوهېوادونوترمېنځ دهوکړه لیک دلاسلیک پر ضرورت په اړه دغبرګولي په ١٣مه دترکیې هېواد دبهرنیو چارو وزیر یاووز سلیم کرن سره لیدنه او خبرې وکړې.
د دواړو هېوادونو ترمینځ د اوږد مهاله او دوستانه اړېکو په ټینګار سره ، دواړو لورو د افغانستان په اوسني وضعیت ، ترکیې ته د افغانانو کډوالو او د کډوالۍ په برخه کې د دواړو هېوادونو تر منځ د همکارۍ د چوکاټ پر اړتیا خبرې وکړې.
ترکیې ته د افغانانو روان مهاجرت او په دغه هېواد کې د افغان کډوالو لوی شمیر ته په اشارې سره ، کاکړ دترکيې پر حکومت غږ وکړ چې د دواړو هېوادونو تر منځ د همکاریو هوکړه لیک اسانه کړي.
په ورته وخت کې د ترکیې د بهرنیو چارو وزارت معین څرګنده کړه چې د ترکیې حکومت د افغانستان له دوست هېواد سره خپلو همکاریو ته دوام ورکوي او هر ډول همکارۍ ته چمتو دی ، په ځانګړي ډول د انساني قاچاق پروړاندې مبارزه او منظمې کډوالۍ تنظیمولوپه برخه کې.
په پام کې ده چې دکډوالۍ د تنظیم او مدیریت په هکله د همکارۍ یو هوکړه لیک به په نږدې راتلونکي کې د افغانستان او ترکیې ترمینځ لاسلیک شي.
