دمهاجرینو او راستنېدونکو چارو وزارت چارواکو دکابل ښار په کمپونو کې دمېشتو بېځایه شوو ستونزې له نېږدې وڅېړلې

anwari_morr
چهارشنبه ۱۴۰۰/۸/۱۲ - ۱۰:۳۲
مسئولان وزارت امور مهاجرین و عودت کنندگان مشکلات بیجاشده های کمپ نشین در شهر کابل را تحت بررسی قرار دادند

دمهاجرینو وزارت د داخلي بېځایه شوو د دايمي حل لارو رييس مولوي شمال خان عثماني او د داخلي بېځايه شوو وضعيت ته د رسېدو رییس مولوي سردار شېرزاد د لړم په (10) مه دکابل ښار دکمپنې پل او قمبر څلور لارې په کمپونو کې دمېشتو بېځايه شوو ستونزې له نېږدې وڅېړلې.

د داخلي بېځایه شو وضعيت ته د رسېدو رئیس مولوي سردار شېرزاد په دغه ليدنه کې وویل: چې د اسلامي امارت د رییس الوزرا په لارښوونه يې د مهاجرينو او راستنېدونکوچارو وزارت د بېځایه شود غوښتنې په پام کې نیولو سره خپلو اصلي مېنوته دستنېدو لپاره يې ځانګړې تګلاره جوړه کړې ده،چې دبېځايه شوو دبيا یوځای کېدو او بشري مرستو په برخه کې همکاري کوي.

نوموړي زده کړو ته د ماشومانو د لاسرسي په ګډون د بېځایه شوو د دایمي ستونزو په هواري ټینګار وکړ او ژمنه یې وکړه چې د حل لپاره به یې جدي کار وکړي.

په ورته وخت کې دايمي حل لارو رييس مولوي شمال خان عثماني وويل:دې ته په پام کې نیولو سره چې اوس د هېواد په ټولو برخو کې امنیت شتون لري، بېځایه شوي باید خپلو اصلي سیمو ته راستانه شي او د مهاجرينو وزارت به د دوی په خپله خوښه راستنېدو کې مرسته وکړي.

همدارنګه په دغو کمپونو کې دمېشتو بېځايه شوو استازو وويل: چې د هېواد په ولايتونو کې د سرپناه جوړولو او د کرنيزو فعاليتونو لپاره ځمکې نه لري، له همدې امله د مهاجرينو او راستنېدونکو چارو له وزارت څخه غواړي چې د دايمي استوګنې لپاره د مناسب ځاى په برابرولو او کرنيزوفعالیتونو په برابر ولوکې ورسره همکاري وکړي.

تازه خبرونه

شنبه ۱۴۰۵/۸/۳۰ - ۱۵:۱۲
Background image

د مهاجرینو چارو وزیر د فراه له والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د فراه له والي محترم ملا محمد حافظ مجاهد سره وکتل.
په پیل کې محترم ملامحمد حافظ مجاهد په فراه کې د. . .
شنبه ۱۴۰۵/۸/۳۰ - ۱۵:۱
Background image

د مهاجرینو چارو وزیر د بغلان ولایت له یو شمېر علماوو او مسوولینو سره ولیدل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د بغلان ولایت له یو شمېر علماوو او مسوولینو سره ولیدل.
په دغې لیدنه کې د بغلان ولایت علمای کرامو او. . .
چهارشنبه ۱۴۰۵/۸/۶ - ۱۴:۰
Background image

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د وزارت د پلان او پالیسۍ او دایمي حل‌‌لارو موندنې رییسانو او د افغانستان لپاره د ملګرو ملتونو مرستندویه پلاوي(یوناما) د دایمي حل‌‌لارو سلاکارې اغلې فرحانه سټوکر ترمنځ ګډې مشورتي ناستې. . .

بېرته خبرونه ته