د مهاجرینو او راستنېدونکو چارو سرپرست وزیر محترم مولوي عبدالکبیر د ننګرهار د مومندرې ولسوالۍ له څو تنو قومي مشرانو او مخورو سره وکتل.
راغلو مشرانو او قومي مخورو په ننګرهار کې د ولس او ځايي ادارو تر منځ اړیکو ته په اشارې سره د اوسنیو ځايي مسوولینو له کړنو خوښي څرګنده کړه او زیاته یې کړه، چې په ننګرهار کې وړ کسان په دولتي ادارو کې ګمارل شوي دي.
د مومندرې ولسوالۍ دغو قومي مخورو په خپلو سیمو کې له تېرو څو لسیزو راپه دې خوا د یو لړ ستونزو د حل په موخه وړاندیزونه له محترم وزیر سره شریک کړل.
محترم مولوي عبدالکبیر راغلو مشرانو او مخورو ته ښه راغلاست وویل او له اسلامي نظام سره یې د قومونو د همکارۍ ستاینه وکړه.
د ناستې پر دوام محترم وزیر وویل، چې د مومندو د مشرانو وړاندېزونه به له اړوندو ادارو سره شریک شي او یادونه یې وکړه، چې اسلامي امارت د خلکو د ستونزو حل ته لومړیتوب ورکوي.
