په کډوالو چارو وزار ت کې د ځمکې ترلاسه کولو لپاره د راستنېدونکو د راجستريشن کولو وخت وټاکل شو
په دغه ناسته کې، چې د کډوالو چارو وزارت چارواکو او په افغانستان کې د ملګروملتونو دبشري مرستو د دفتر رئيس ترمنځ ترسره شوه، پکې د شورا د برنامې پر پيل او په کډوالو چارو وزار ت کې د ځمکې ترلاسه کولو لپاره د راستنېدونکو د نوم ليکنې پرمهال بحث او خبرې وشوې.
نوموړي په افغانستان کې د ملګرو ملتونو د بشري مرستو دفتر ( هبيتات) او دکډوالۍ نړيوال سازمان (IOM) څخه غوښتنه وکړه،چې د شورا برنامې پيل کولو لپاره تخنيکي ګامونه بشپړ کړي او د راستنېدونکو راجستريشن او ځمکې وېشلو پروسه په عملي توګه پيل کړي.
په ورته وخت کې، په افغانستان کې د هبيتات مسولينو دکډوالو وزير ته د شورا برنامې پرمختګ په اړه د راپور وړاندې کولو پرمهال وويل، چې دکابل په شکردرې ولسوالۍ کې ۳۲۰۰ نمرې ځمکه راستنېدونکوته سروې او ځانګړې کړه او د هرات ولايت د کډوالو د سعادت ښارګوټي ۱۴ کيلو متره داخلي سرک کارونه هم بشپر شوي.
ياده ناسته چې د تېرې پنجشنبې په ورځ د زمري په ۱۷مه دکډوالو او راستنېدونکو چارو وزارت کې وشوه، پرېکړه وشوه چې د هبيتا اداره خپل اړين تجهيزات او دفترونو چمتوکول د سبټمبر ۱۵ پورې بشپړ کړي او بېرته راستنېدونکي راجستر کړي.
