د وزارت مسلکي مرستیال فاریاب کې د ښار او کور جوړونې وزارت له پلاوي سره وکتل
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد د تلې پر نهمه په فاریاب ولایت کې د ښار او کور جوړونې وزارت له پلاوي سره وکتل.
د دې سفر موخه په فاریاب ولایت کې د مهاجرینو د ښارګوټو سروې وه.
دغه پلاوي له ښاغلي راشد سره د خپل سفر موخه چې په فارياب کې د مېشتو مهاجرینو د ښارګوټو سروې ده، شريکه کړه.
د وزارت مسلکي مرستیال په چارو کې د همغږۍ غوښتنه وکړه او د چارو د ښه والي په موخه یې لازمې لارښوونې ورته وکړې.
