په کډوالو چارو وزارت کې دمور نړيواله ورځ ونمانځل شوه

sadam_morr
دوشنبه ۱۳۹۸/۳/۲۷ - ۱۱:۵
روز مادر

Bottom of Form

د مور نړيواله ورځ د کډوالو چارو وزارت ديوشمېرلوړپوړو چارواکو، رئيسانو او کارکوونکو له خوا ونمانځل شوه.

د کډوالو او راستنېدونکو چارو وزير سيد حسين عالمي بلخي په خپلو خبرو کې دماشوم په روزنه،د ټولنې په بدلون او د انسان په پيداېښت کې د ښځې ځانګړي رول ته په اشارې سره وويل، د اسلام په مقدس دين کې  داحترام لوړ مقام مورته ورکول شوی او په ښځو کې تر ټولو مهم رسالت مور کېدل دي.

د انسان د شخصيت جوړونې مهم وخت د مور په ګېډه کې د هغه دجنين روزنه ده.

همدا رنګه د کډوالو چارو وزارت د پناه غوښتونکو مرستيالې ډاکټرې عالمې په خپلو خبرو کې، د افغان ښځو وضعيت ته په اشارې سره وويل،چې اوس هم په کليو او بانډو کې ميندې دمور له ورځې خبرې نه دي او دښځو د حقوقو  په اړه د اسلام مقدس دين لارښوونې په سمه توګه نه ترسره کېږي په داسې حال کې چې په  اسلام کې  ميندې د ډېرو حقونو لرونکې دي. په هېواد کې دښځو او ميندو ناسم حالت د روشنفکره ښځو دقيقې او هر اړخيزې مبارزې ته اړتيا لري، ترڅو ښځې او ميندې د خپلو حقوقو څخه برخمنې شي.  

د کډوالو چارو وزارت مالي او ادارې مرستيال انجينير احمدولي حکمي په خپله وينا کې ميندو ته په درناوي ټينګار وکړ او ويې ويل، دملي وحدت حکومت له پيل څخه تر اوسه په کډوالو چارو وزارت کې دښځو وضعيت ښه والی موندلی او په دغه وزارت کې دښځو شتون هم زيات شوی.

دغه مراسم چې د تېرې يکشنبې په ورځ د غبرګولي په ۲۶مه دکډوالو چارو وزارت د غونډو په تالار کې جوړ شوي و، پکې د کډوالو او راستنېدونکو چارو وزير، مالي او اداري مرسيتال، د پناه غوښتونکو مرستيالې، رئيسانو، دوزارت سلاکارانو، ښځينه او نارينه کارکوونکو ګډون درلود چې ويناوالو پکې دښځو او ميندو پرو رول ټينګار وکړ.

 

تازه خبرونه

چهارشنبه ۱۴۰۵/۸/۶ - ۱۴:۰
Background image

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د وزارت د پلان او پالیسۍ او دایمي حل‌‌لارو موندنې رییسانو او د افغانستان لپاره د ملګرو ملتونو مرستندویه پلاوي(یوناما) د دایمي حل‌‌لارو سلاکارې اغلې فرحانه سټوکر ترمنځ ګډې مشورتي ناستې. . .

سه‌شنبه ۱۴۰۵/۸/۵ - ۲۰:۵۵
Background image

د مهاجرینو چارو وزیر د کابل د جهادي مدرسې له مهتمم شیخ محمد ابراهیم او شیخ محمد فقیر محمدي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د کابل جهادي مدرسې له مهتمم شیخ محمد ابراهیم او شیخ محمد فقیر محمدي سره وکتل.
په پیل کې محترم شیخ محمد. . .

یکشنبه ۱۴۰۵/۸/۳ - ۱۰:۲۴
Background image

په ترکیه کې د مېشتو افغان کډوالو استازو د مهاجرینو چارو وزارت له لېږل شوي پلاوي سره وکتل

ترکیې هېواد ته د مهاجرینو چارو وزارت د مقام دفتر رییس ښاغلي مولوي سعید احمد بنوري پر مشرۍ، د یاد وزارت او بهرنیو چارو وزارت د لېږل شوي ګډ پلاوي د لیدنو په لړ کې دا ځل د ترکیې په انقره. . .

بېرته خبرونه ته