د لوګر ولايت کډوالو ښارګوټي يوشمېر اوسېدونکو دکډوالو چارو له وزيرسره خپلې ستونزې شريکې کړې.
د لوګر ولايت کډوالو ښارګوټي يوشمېر اوسېدونکو او راستنېدونکوچې په هغه ښارګوټي کې استوګنيځې نمرې لري، دتېرې پنجشنبې په ورځ د عويي په ۲۶مه دکډوالو چارو وزير سيد حسين عالمي بلخي سره ليدنه وکړه او ستونزې يې ورسره شريکې کړې.
دکډوالو چارو وزير په هغه ښارګوټي کې دعامه خدمتونو وړاندې کولوته په ټينګار سره وويل، په ښارګوټي کې بنسټيزو ستونزو ته رسېدنه او غوره ښاري خدمتونو وړاندې کول اوس د ولسمشر د نوي فرمان په اساس په ټول هېوادکې دکډوالو ښارګوټي او په ځانګړې توګه د لوګر ولايت دکډوالو ښارګوټی د تخنيکي څېړنې لاندې نيول کېږي.
هغه زياته کړه چې دا مهال په ولايتونو کې د کډوالو په ښارګوټو کې دځمکو وېش ولاړ دی او يوازې هغو کسانو ته چې دولسمشر د فرمان له تعديل وړاندې ځمکې وېشل شوې وې او بانکي اوېزونه لري ځمکه تسليميږي.
