د فرمانونو او حکمونو د تعقیب او نظارت لوی ریاست پلاوي د مهاجرینو چارو له سرپرست وزیر سره ولیدل
![_](/sites/default/files/2023-08/dsc_6565_copy.jpg)
د چاپېریال او ټولنیز مصئونیت رئیس مولوي عبدالحکیم حکمت په مشرۍ د فرمانونو او حکمونو د تعقیب او نظارت لوی ریاست پلاوي د مهاجرینو او راستنېدونکو چارو له سرپرست وزیر الحاج خلیل الرحمان حقاني سره د هغه په دفتر کې ناسته وکړه.
په پیل کې ښاغلي عبدالحکیم حکمت حقاني صاحب ته د یاد ریاست د کړنو او فعالیتونو په اړه معلومات ورکړل، ښاغلي حکمت وویل مونږ د مشرتابه د فرمان له مخې د هرې ادارې کړنې د اسلامي شريعت په چوکاټ کې ارزوو، نوموړي په دې برخه کې د مهاجرینو چارو وزارت د رهبرۍ همغږي او همکاري اړینه وبلله
د مهاجرینو چارو وزارت سرپرست وویل: د اسلامي امارت اصولو او قوانینو تطبیقول زمونږ ټولو ګډ مسؤولیت دی نوموړي ډاډ څرګند کړ، چې په دې برخه کې هر ډول همکاريو ته چمتو دی
یاد پلاوي وروسته د یاد وزارت له مسلکي معین مولوي عبدالرحمان راشد سره هم وکتل او داوړو لوریو له یو بل سره په ګډه همکارۍ ټینګار وکړ.