د مهاجرينو چارو وزارت کې ۸۰ تنو کار کوونکو ته روزنيز ورکشاپ جوړه شو
![_](/sites/default/files/2023-07/dsc_4932_copy.jpg)
د مرکزي او ولايتي رياستونو او آمريتونو ۸۰ تنو کار کوونکو ته د مالي مسايلو، محاسبې او تدارکاتو په اړه روزنيز ورکشاپ د چنګاښ په ۲۶مه د مهاجرينو چارو وزارت د ناستو په تالارکې دایره شو.
دغه ورکشاپ د بشري سرچينو، مالي اواداري رياست او تدارکاتو آمريت له لخوا د درې ورځو لپاره د وزارت د مسلکي او مجربو کار کوونکو له لورې د مالي، محاسبې او تدارکاتي موضوعاتو د تشريح او په دې برخه کې د نمګړتياوو او ستونزو د حل په موخه په يادو برخو جوړه شوي ده.
د ورکشاپ په پيل کې د بشري سرچينو رئيس مفتي مديرګل احمدی د مالي، محاسبې او تدارکاتو د طی مراحلو په بهير کې د شته نميګړتياوو يادونه وکړه اود کمزوري مؤمن د قوي مؤمن او د کمزوري کارکوونکي د ضعیف کار کوونکي تفاوت ته په اشارې سره د کار کوونکو د ظرفيت په لوړولو ټينګار وکړ.
هغه زياته کړه، د ظرفيت لوړولو يوه ګټوره لاره د ورکشاپونو جوړول دي او په دې ورکشاپ کې د وزارت په مرکز کې د يادو برخو مسلکي کار کوونکي ټول اړوند مسايل بيانوي او له تاسې ګډنوالو څخه مو غوښتنه داده، چې پريزنټيشنونو ته په صبر او پوره دقت سره متوجې اوسئ او له دې څخه لازمه استفاده وکړئ.
ورپسې د مالي او اداري رياست سرپرست ښاغلي جمال ځدران د وزرات د بوديجې د وضعيت، لګښتونو، د بوديجې او د مالي او حسابي اسنادو طی مراحلو او پر وخت د مرکز او ولايتونو ترمنځ د اسنادو په اخيستو او لېږلو کې نیمګړتياوو ته اشاره وکړه او دغې ورکشاپ يې د يادو ستونزو په حل کې اغېزمن وباله.
هغه زياته کړه، د بوديجې له محدويت او کسر سره بايد له شته امکاناتو څخه اعظمي ګټه واخيستل شي او د ورکشاپ له ګډونوالو څخه موغوښتنه داده، چې د يادو موضوعاتو په اړه بيا بيا پوښتنې وکړي او لازم معلومات ترلاسه کړي.
وروسته د تدارکاتو آمريت سرپرست، محمد زمان د تدارکاتو د اصولو او مقرراتو په اړه او دبودیجې آمر محمد رفيع توخي د بوديجې په اړه خپل پريزينتيشنونه د ورکشاپ ګډنوالو ته وړاندې کړل.
ياد ورکشاپ دوه ورځې نور هم دوام وکړي