د مهاجرینو چارو وزیر د اسلامي هېوادونو د مخکښو علماو له پلاوي سره وکتل
د مهاجرینو او راستنېدونکو چارو وزیر الحاج خلیل الرحمان حقاني د مصر د الازهر جامعې استاذ ښاغلي محمد الصغیر په مشرۍ د ترکیې، مصر، سوډان، لیبیا او فلسطین د مخکښو علماو له پلاوي سره په خپل کاري دفتر کې وکتل
ښاغلي محمد الصغیر وویل، مونږ د ا. ا. په بریا خوښ یو او د راتګ هدف مو دا دی، چې له تاسو سره خپله خوښي شریکه کړو، ټول عربي هېوادونه له ط.. سره مینه لري او د بریا دوعاوې ورته کوي
یاد پلاوي د ا. ا. ا. بریا مبینه فتحه او د الله ـ جل جلاله ـ ځانګړې مرسته وبلله
د مهاجرینو چارو وزیر دوی ته د ښه راغلاست ترڅنګ وویل، نړیوال غواړي، چې پخپلو پوچو تبلیغاتو خلکو ته د ااا تصویر غلط وښیي او دا د علماو وجیبه ده، چې راشي اسلامي نظام له نږدې وویني او خپلو ولسونو ته د ا. ا. حقیقي تصویر وړاندې کړي
ښاغلي حقاني زیاته کړه، افغانستان د نړۍ یو له هغه هېوادونو څخه دی، چې ترټولو زیات مهاجرین، معیوبین، کونډې او یتیمان لري او مونږ د اسلامي نړۍ له علماو تمه لرو، چې ددوي په ستونزو، مشکلاتو او پالنه کې له مونږ سره همکاري وکړي
