خاک جبار ولسوالۍ کې (٢٨۵)اړمنو اومستحقو کورنيو دخوراکي توکو مرستې وشوې
د اسلامیک ریليف موسسې له لورې دمهاجرينو او راسنېدونکو چارو وزارت په همکارۍ سې شنبه دلړم په (٢٥) مه (٢٨۵) اړمنو اومستحقو کورنيو سره دکابل په خاک جبار ولسوالۍ کې دخوراکي توکو مرستې وشوې.
دمهاجرينو او راستنېدونکو چارو وزارت په استازيتوب د وزارت د اطلاعاتو او عامه اړيکو رییس مفتي عبدالمطلب حقاني د مرستو د وېش پرمهال شتون درلود، د يادې موسسې څخه یې مننه وکړه چې اړمنو اومستحقو کورنيو سره بشري مرستې کوي. هغه وويل زموږ هيله د مرستندويه بنسټونو څخه داده چې دبېځايه شوو، راستنېدونکو اومستحقو اړمنو کورنيو اصلي ستونزو ته پاملرنه وکړي، د دوی دبشري اوخوراکي موادو دوېش اصلي ستونزې حل کړي او ورته دکارمندنې زمينه برابره کړي.
همدارنګه دخاک جبار ولسوالۍ ولسوال مولوي مير احمد طارق دمرستو دوېش په روڼتيا ټينګار وکړ اود اسلاميک ريليف موسسې سره يې ژمنه وکړه چې دمرستو دوېش پرمهال به ورسره دامنيت په برخه کې همکاري وکړي. ولسوال زیاته کړه چې د(٦٠٢) کورنيو سروې دوام لري چې دوی ته به هم خوراکي مواد ووېشل شي.
په ورته وخت کې داسلاميک ريليف موسسې سرپرست میرويس فاضل د افغانستان اسلامي امارات څخه دمستحقو کورنيو په پېژندلوکې دمرستې غوښتنه وکړه ويې ويل: چې بېځايه شوو سره به دروغتيايي خدماتو په وړاندې کولوکې هم همکاري وکړي.