کډوالو وزارت مالي او اداري مرستیال د ډاکار موسسې له مسؤلینو سره خبرې وکړې
دکډوالو او راستنېدونکو چارو وزارت مالي اواداري مرستیال ولي الله جلال د ډاکارموسسې له رییس او دوه تنو سره په کډوالو وزارت کې لیدنه وکړه اودهرات ولایت په کمپونو کې بېځایه شوو کډوالوته دبېړنیومرستودوېش په اړه یې خبرې وکړې.
ښاغلي جلال د یادې موسسې اودملي او نړیوالومرستندویه ادارو څخه چې په هرات ولایت کې فعالیت کوي غوښتنه وکړه چې په دغه ولایت کې دې دبېځایه شوو په کمپونوکې بېړنیومرستوته پاملرنه وکړي.
نوموړي وویل چې کډوالو وزارت بایدکډوالۍ، راستنېدو او بېځایه کېدو په برخه کې دمرستندویه ادارو دفعالیتونو په برخه کې دیو سکتوري ادرس په توګه وي،چې دراستنېدونکو اوداخلي بېځایه شوو دبیایوځای کېدو او مرستو په برخه کې خلکوته فعالیتونه کوې.
هغه دمرستندویه اداروڅخه چې راستنېدونکو او داخلي بېځایه شووته دمرستو دوېش دپلي کولو برنامې لري غوښتنه وکړه چې د پروپوزل دجوړېدو څخه مخکې په دې برخه کې باید دکډوالو وزارت نظر له ځان سره ولري.
سربېره پر دې مالي او ادري مرستیال وویل چې دظرفیت جوړولو د اړتیاوو په نظر کې نیولو وروسته دمسلکي او تخنیکي زده کړو له تمرکز کولای شي راستنېدونکو او داخلي بېځایه شووته ګټورواقع شي.
په دغه ناسته کې کډوالو او راستنېدونکو چارو وزارت سره دمرستندویه ادارو دهوکړه لیکونو دلاسلیک په اړه هم خبرې وشوې
