د کډوالو او راستنېدونکو چارو وزارت د پالېسۍ او پروګرامونو دپلي کېدو مرستيال معرفي شو
شېر علم امله دکډوالو او راستنېدونکو چارو وزارت د پالېسۍ او پروګرامونو د پلي کېدو د مرستيال په توګه د افغانستان اسلامي جمهوريت د ولسمشر د فرمان له مخې ټاکل شوی و او نن د يوې رسمي غونډې په ترڅ کې ددغه وزارت کارمندانو ته معرفي شو.
په دغه مراسموکې چې د کډوالو او راستنېدونکو چارو وزارت د غونډو په تالار کې ترسره شول دکډوالو او راستنېدونکو چارو وزير نورالرحمن اخلاقي، مالي او اداري مرستيال ولي الله جلال، د ولسي جرګې يوشمېر وکيلانو، د ننګرهار ولايت د ولايتي شورا رئيس او د وزارت يوشمېر رئيسانو او کارکوونکو شتون درلود.
ښاغلي اخلاقي دکاري ټيم او د ډېرو برنامو داغېزمنتيا سربېره،خلکو ته د کار او خدماتو په ځانګړي توګه د بېځايه شوو او کډوالو په خدمت کې چې د ټولنې يوه مستحقه برخه ده وويل: د ګډو موخو د لاسته راوړلو لپاره د ليد يوالی چې د افغانستان رنځېدونکي برخې ته خدمت کول دي، په وزارت کې رامنځ ته شوی او موږ د يوګډ ټيم په توګه د پلانونو پلي کولو لپاره ګام پرګام کار کوو.
په ورته وخت کې دپالېسۍ او پروګرامونو د پلي کېدو مرستيال استاد شېر علم امله وال د حکومت له مشرتابه څخه چې پرده يې باورکړی مننه وکړه ويې ويل: له دې ځای چې کډوالو وزارت يوه همغږې او پالېسۍ جوړونکي اداره ده؛ ټولنې ته د خدمتګار په توګه زه خپلو خلکو او وطن ته خپله ژمنتيا اعلانوم. موږ به په ګډه د خپلې ټولنې خلکو ته په اغېزمنه توګه کار وکړو دا زموږ شعار نه بلکې زموږ ژمنه ده.
