کډوالو چارو وزير د همکارو موسسو د ادارې لګښت په کموالي ټينګار وکړ
د کډوالو او راستنېدونکو چارو وزير سيد حسين عالمي بلخي په افغان نستان کې د ماشوم ساتنې د دفتر مرستيالې اعلې ياسمين جهرومی سره ليدنه وکړه او ټينګار يې وکړ،چې کډوالو چار وزارت سره همکارې موسسې بايد همکاريو ته د دوام ورکولو لپاره خپل ادارې لګښت ۲۵ سلنه کم کړي او دهمکاريو هوکړه ليکونه لاسليک کړي.
هغه زياته کړه، چې د اداري لګښتونو کموالی به وړو کورنيوته دمرستو ډېره برخه ورسوي او د دوی د اړتياو پوره کولو کې به مرسته وکړي.
په دغه ناسته کې،چې د کب په ۱۲مه په کډوالو چارو وزارت کې ترسره شوې وه، د دواړو ادارو په ګډې همکارۍ او دهوکړه ليکونو په لاسليکولو خبرې وشوې.
د ماشوم ساتنې نړيوالې موسسې په ۲۰۱۸ او ۲۰۱۹ کال کې دخپلو پرمختګونو په اړه خبرمعلومات ورکړل او له افغان حکومت سره يې په دوامدارې ژمنې ټينګار وکړ په ځانګړې توګه بېځايه شوو او راستنو شوو ماشونو په برخه کې.
په ورته وخت کې د کډوالو وزير ددغه دفتر د مرستيالې سره په خبروکې وويل، چې د کډوالو چارو وزارت به د کرونا ويروس لېږد دمخنيوي دکمېټې د غړي په توګه په ګډه د بېرته راستنېدونکو او بېځايه شوو خلکو په برخه کې د افغان حکومت پروګرامونه عملي کړي.
