مستحقينوته د ځمکو وېش نومليکنه د ولسمشرۍ ماڼۍ د ۳۰۵ ګڼه فرمان په اساس په کډوالو چارو وزارت کې پيل شوه
راستنېدونکو، بېځايه شوو او د امنيتي ځواکو د شهيدانو وراثينوته د ځمکو وېش دنومليکنې پروسه د چهارشنبې په ورځ د مرغومي په ۱۸مه په کډوالو چارو وزارت کې پيل شوه.
هغه مراسم،چې د ښارجوړونې وزارت مرستيال،دکابل ولايت دوالي مرستيال،د هبيتات موسسې د دفتر مسؤل اونورو اړوندوملي او نړيوالو موسسو استازو ګډون جوړ شوي و،دکډوالو او راستنېدونکو چارو وزير سيدحسين عالمي بلخي دولسمشرۍ ماڼۍ د ۳۰۵ ګڼه فرمان په اساس په کابل کې مستحقينوته د ځمکووېش د نومليکنې د پيل خبر وکړ.
هغه زياته کړه،چې په تېرو ښارګوټو کې يوشمېر ستونزې موجودې وې او د ولسشمرۍ ماڼۍ د ۳۰۵ ګڼه فرمان د صادرولو په اساس د ځمکو په وېش کې د فساد دمخنيوي په خاطرلازم تدابير نيولي او په ورته وخت کې شته ښارګوټي د څارنې لاندې دي.
بلخي زياته کړه چې په ياده پروسه کې د ښې روڼتيا( شفافيت) لپاره يې د جوړې شوې کړنلارې په اساس د کډوالو او راستنېدونکو چارو وزارت په مشرۍ د دريو نړيوالو او څلور ملي ادارو څخه يو ګډه کمېټه او د ولايتونو په کچه يې دواليانو په مشرۍ د همغږۍ يو کمېسېون جوړ کړی،چې دځمکو دوېش لپاره مستحقين په سمه توګه وپېژني.
دکډوالو چارو دوزير په وينا د کابل ولايت په شکردرې ولسوالۍ کې يې د ښارجوړونې وزارت په همکارۍ په ډاګه شوې،چې ۱۵۰۰ نمرې لري او دمستحقينو د شمېر په زياتوالي سره به د ځمکووزارت نوره ځمکه په لاس کې ورکړي.
وروسته د ښارجوړونې وزارت مرستيال ګل رحمن طوطاحېل په دې اړه وويل، چې په ټول افغانستان کې ۵/ ۱ ميليونه جريبه ځمکه لري،چې له دې جملې څخه ۲۴۷ زره جريبه ځمکه په کابل کې ددې وزارت په بانکي برنامه کې شامله شوه چې راستندونکو، بېځايه شوو او د امنيتي ځواکونو د شهيدانو وراثينوته دوېش نه علاوه نورې عام النفعه برنامې چې د دولتي ادارو له لورې يې غوښتنه شوې وه،ځانګړې شوې او ۲۳۰۰ جريبه ځمکه کډوالو چارو وزارت ته دوېش په موخه په واک کې ورکړل شوې ده.
همدارنګه په دې مراسموکې د کابل ولايت د والي مرستيال حنيف ګرديوال او د هبيتات موسسې د دفتر رئيس دشکردرې ولسوالۍ دکډوالو ښارګوټي د زيربنايي کارونو، په دې اړه د روڼتيا( شفافيت) او د دولتي او نړيوالو بنسټونو په اړه معلومات ورکړل.
