کډوالو چارو وزارت د پناه غوښتونکو مرستيال د اروپايي ټولنې له سفيرسره د افغان کډوالو د وضعيت په اړه خبرې وکړې
په هغه ناسته کې چې د تلې په ۲۰مه په کډوالو چارو وزارت کې ترسره شوه، د کډوالو او راستنېدونکو چاروو وزارت د پناه غوښتونکو مرستيال وفي الله کاکړ د اورپايي ټولنې د سفير آرنوت پاولس سره د افغان کډوالو د وضعيت په اړه خبرې وکړې.
په دغه ناسته کې اروپايي ټولنې د کډوالو چارو وزارت سره د ښو او دوستانه اړيکو او همکاريو پر دوام چې مخکې د قرنطين له امله ځنډول شوې وې خبرې وکړې.
دکډوالو او راستنېدونکو چارو وزارت د پناه غوښتونکو مرستيال د اروپايي ټولنې سره دګډې اعلاميې پر عملي کولو ټينګار وکړ او له دوی يې وغوښتل چې د اعلاميې پر اساس کوربه هېوادنه بايد زيان منونکو افغان کډوالو ته ځانګړې پاملرنه وکړي.
د افغانستان او اروپايي ټولنې ترمنځ ګډه اعلاميه په جبري توګه د افغان کډوالو د راستنېدو د مخنيوي په موخه لاسليک شوه او ددې له مخې افغان پنا ه اخيستونکي په کوربه هېوادونوکې دمنلو له ډېر فرصت څخه برخمن دي.
