کډوالو وزارت او NRC موسسې ترمنځ د همکاريو هوکړه ليک لاسليک شو
![____________](/sites/default/files/2021-05/189229763_3001239026773653_7550327445892691260_n.jpg)
دغه هوکړه ليک د کډوالو او راستنېدونکو چارو وزارت د پناه غوښتونکو دمرستيال وفي الله کاکړ او ناروې (NRC ) موسسې رئيس استرېد ترمنځ د غبرګولي په ۲مه دپناه غوښتونکو دمرستيال په کاري دفتر کې لاسليک شو.
د دغه هوکړه ليک له مخې به د NRC دفتر دکډوالو او راستنېدونکو چارو وزارت سره په همغږۍ کې راستنېدونکو او بېځايه شوو ته دمرستو رسولو پروګرامونه پلي کوي او په ګډه به د پروژې ارزونه کوي. په ياد هوکړه ليک کې د افغانستان دولت پر ژمنو او همدارنګه دجينوا په کنفرانس کې د نړيوالو مرستندويه ادارو پر ژمنو ټينګار وشو.
سر بېره پر دې هوکړه ليک دايجابوي چې NRC به په هېواد کې بېځايه شوو او راستنېدونکو ته د پلي کوونکي پروژې د پرمختګ راپور د کډوالو او راستنېدونکو چارو وزارت ته سپاري او وزارت ته به خبر ورکوي چې دوی خپل پلانونه څنګه پلي کوي.