هغه ټول بېځايه شوي چې دکابل په خېرخانې کوتل کې ژوند کاو،خپلو کورونوته ستانه شول
دمهاجرینو او راستنېدونکو چارو وزارت دښځو رضاکاره موسسې اويونين ايډ موسسې سره په ګډه همغږۍ هغه ټول بېځايه شوي چې دکابل په ازادۍ پارک کې اوسېده اوشمېر يې یوزرو او(٢٠٠)کورنيو ته رسېده خپلو اصلي مېنو او کورونوته ولېږدول شول.
د مهاحرينو اوراستنېدونکو چارو وزارت مرستيال محمدارسلاح خروټي او دکابل ولايت دمهاجرينو رییس قاري عبدالمتين رحيمزي يکشنبه دلړم په (١٦) مه دکابل ښار ازادۍ پارک ته لاړل او ددغو کورنيو دلېږد بهیر څارنه یې له نېږدې وکړه.
ښاغلي ارسلاح خروټي وويل: چې له دې مخکې د دوه زرو په شاوخواکې بېځايه شوي دکابل ښار نوي پارک،بډولې دښتې اوخېرخانې څخه خپلو سیموته لېږدول شوي او نن ورځ دغه کورنۍ د ازادۍ پارک او خېرخانې دلومړۍ برخې څخه خپلو اصلي ولايتونو کندز،بدخشان،تخار،بغلان،سرپل،کاپیسا او پنجشېر ولايت ته ولېږدول شي.
دهغه په خبره دمهاجرينو وزارت تراتسپورتي اسانتياوې برابرې کړې دي او ددې سربېره همکاره مرستندويه بنسټونو او موسسوسره همغږي شوي ترڅو یادو کورنيوسره په راتلو دريومياشتوکې په خپلو اصلي سيموکې مرستې وشي.
نومړي زياته کړه چې دمهاجرينو وزارت ژمن دی چې په کابل ښار او يوشمېر نورو ولايتونو کې دبېځايه شوو سروې، د اړتياوو ارزونه او خدمتونو وړاندې کولوته دوام ورکړي او دنړيوالو مرستندويه موسسو په همکارۍ ورته دلېږد زمينه برابره کړي
