هرات کې د راستنېدونکو او سبزوار ټولنې ټيم ترمنځ د فوټبال لوبه ترسره شوه
د غه لوبه په هرات کې دمېشتو راستنېدونکو او سبزوار ټولنې ترمنځ د فرهنګي او ذهني يوځايوالي په موخه د ليندۍ په ۱۶مه په لاره اچول شوې وه.
دغه لوبه د هرات ولايت دکډوالو چارو رئيس، دراستنېدونکو او بيا ځوياکېدو رئيس رحمت الله حکيمي،انجينيرۍ خدمتونو رئيس محمد اصف صالحي، د ټولنيزو خدمتونو آمرذاکرالله عطايي او د وزارت مقام د پلاوي له لورې په لاره اچول شوې وه، چې د شپږو ګولونو په ورکولو سره يې سبزوار ټولنې ټيم ته ماتې ورکړه.
د لوبې مالي لګښت او د لوبغاړو وسايل دکډوالو چارو وزارت له لورې ورکول شوي و، چې د لوبې په پای کې دواړو ټيمونو ته دلوبغاړو د هڅونې په موخه ستاينليکونه او کپونه ورکړل شو.
د يادونې وړ ده، چې دکډوالو چارو وزارت پلاوي د هرات ولايت د ټولنيزو چارو مرستيالې اغلې مونسه حسن زاده سره په ناسته کې د علمي برناموپه پلي کولو او په دغه ولايت کې دمېشتو راستنېدونکو د ورزشي فعاليتونو په اړه خبرې وکړې.
مونسه حسن زاده د ذکر شوو برنامو د پلي کولو په برخه کې د همکاريو ژمنه وکړه او دکډوالو او راستنېدونکو چارو وزارت څخه يې مننه وکړه، چې د هرات ولايت کډوالو ته يې پاملرنه کړې.
