مهاجرينو او راستنېدونکو چارو وزارت کې اړمنو کورنيو سره د بشري مرستو دهمغږۍ ناسته وشوه

sadam_morr
سه‌شنبه ۱۴۰۰/۹/۲ - ۱۹:۲۴
___________

دمهاجرينو او راستنېدونکو چارو وزارت چارواکو سې شنبې د ليندۍ په ( ۲) مه د يوشمېر نړيوالو مرستندويه ادارو سره د بشري مرستو دهمغږۍ ناسته وکړه، چې پکې د مرستو د همغږۍ په ځانګړي ډول د ژمنيو مرستو د وېش ، د اړمنو کورنيو سروې،د بېځايه شوو لپاره د دايمي حل لارو او د مسؤلو ادارو ترمينځ د همغږيو په اړه هر اړخيزه خبرې وشوې. په دغه ناسته کې دبېځايه شوو د دايمي حل لارو رئيس مولوي شمال خان، داخلي بېځايه شوو وضعيت ته د رسېدو رئيس مولوي سردار شېرزاد، د اطلاعاتو اوعامه اړېکو رئيس مفتي عبدالمطلب حقاني، د ملګرو ملتونو دکډوالو ادارې (UNCHR)، په افغانستان کې د بشري مرستو دهمغږۍ ادارې (UNOCHA)، (UNCEF) او دکډوالۍ نړيوال سازمان (IOM) استازو شتون درلود. د يادو موسسو استازو ټينګار وکړ، چې د ادارو دکاري ستونزو دحل او د افغانستان له اسلامي امارات سره د همکاريو د ټينګښت لپاره بايد يو ميکانيزم جوړشي او د موسسو فعاليتونه بايد دهمدې ميکانيزم له مخې تنظيم شي. داخلي بېځايه شوو وضعيت ته د رسېدو رئيس مولوي سرداد شېرزاد دموسسو سره د همغږۍ ميکانيزم د رامنځته کېدو څخه د ملاتړ په ترڅ کې وويل: چې نړيوال سازمانونه د افغانستان دولت اړمنو کورنيو ته د بشري خدمتونو په وړاندې کولو کې شريک دي او له همدې امله د افغانستان اسلامي امارات دا خپل مسؤليت ګڼي، چې موسسو ته د فعاليتونو او خدماتو رسولو زمينه برابره کړي. په ورته وخت کې د بېځايه شوو د دايمي حل لارو رئيس مولوي شمال خان عثماني له نړيوالو مرستنېدويه ادارو څخه غوښتنه وکړه، چې د داخلي بېځايه شوو سره د ښه چلند په موخه د نوي کال له پيل وړاندې خپل کاري پلانونو دمهاجرينو او راستنېدونکو چارو وزارت سره شريک کړی

تازه خبرونه

سه‌شنبه ۱۴۰۰/۹/۱۶ - ۲۱:۱۵
Background image

دترکیې سفیر: د نړيوالې ټولنې څخه غوښتنه کوم چې دافغانستان خلکو سره، بشري مرستې وکړي

 
دغه خبر ه دترکیې سفیرجیهاد ارکينايي نن دلیندۍ په (١٦) دکابل په بګرامیو ولسوالیوکې اړمنو بېځايه شوو کورنیو ته دبشري مرستو دوېش پر مهال وکړه.
يادې مرستې د ترکيې هېواد د افتونو. . .
سه‌شنبه ۱۴۰۰/۹/۱۶ - ۱۰:۲۰
Background image

کابل کې له ۳۰۰ کورنیو سره مرسته وشوه

د دوشنبې په ورځ د کابل ولايت د مهاجرينو چارو رئيس په مشرۍ د روان لمريز کال د وري په ۱۵مه ۳۰۰ بې کوره شويو کورنيو ته د ژمني کڅوړو د وېش لړۍ پيل شوه.

زده کړې کورنۍ پخوا د مهاجرت ریاست له. . .

دوشنبه ۱۴۰۰/۹/۱۵ - ۲۲:۴۷
Background image

د کابل موسهي ولسوالۍ کې له (١٠٠٠) کورنيو سره د خوراکي توکو مرستې وشوې

١٤٠٠کال ليندۍ، ١٤مه، کابل: افغانستان

په کابل کې د ترکيې هېواد افاد موسسې له لورې (١٠٠٠) بېوزلو بېځايه شوو کورنيو سره د خوراکي توکو مرستې وشوې.

د دغو مرستو د وېش پرمهال د کابل کډوالو. . .

بېرته خبرونه ته