له 200 کورنيو څخه زيات بې ځايه شوي کډوال خپلو کورنو ته ستانه شول
1400کال، تلې، 16مه، کابل: افغانستان
د کابل خېرخانې پارک څخه (240) بې ځايه شوې کورنۍ د خپلې خوښې برنامې له لارې خپلو اصلي مېنو ته ستنې شوې.
د دغو کورنيو د انتقال پرمهال د کابل کډوالو او راستنېدنکو چارو رئيس قاري عبدالمتين رحيمزي وويل: د دغې برنامې له لارې د يونسيار ادارې له خوا هرې کورنۍ ته (200) امريکايي ډالر او ترانسپورټ او د الکوزی نړيوال شرکت لخوا د غرمې او ماښام ډوډۍ په پام کې نيول شوې ده.
هغه زياته کړه، په دغو کورنيو کې د کندز او بغلان ولايت اوسېدونکي او ترانسپورت وو او د نورو ولايتونو اوسېدونکي به هم په راتلونکو ورځو کې انتقال شي.
په پای کې ښاغلي رحيمزي د ټولو نړيوالو او خېريه بنسټونو او سازمانونو د مالي مرستو څخه ځانګړې مننه وکړه او د داخلي بې ځايه شويو او اړمنو خلکو سره يې د دوی مرستې ډېرې ګټورې وبللې.
