د کډوالۍ پراخه پالېسي وروستۍ شوه
![lk](/sites/default/files/2019-07/download.jpg)
د کډوالو او راستنېدونکو چارو وزارت د ملي او نړيوالو بنسټونو په همکارۍ د کډوالۍ پراخه پالېسي برابره کړې، چې د تېرې دوشنبې په ورځ د چنګاښ په ۳مه د اجرايه رئيس په مشرۍ په يوه ناسته کې وروستۍ او په راتلونکو څو ورځو کې به کابينې ته د تصويب په موخه لېږل کېږي.
دکډوالو او راستنېدونکو چارو وزير سيد حسين عالمي بلخي دغه پالېسي يوه پراخه پالېسي وبلله او ويې ويل، ياده پالېسي د تېرو دوو کلونو په موده کې د ملي او نړيوالو بنسټونو په ګډون سره برابره شوې او د کډوالو، راستنېدونکو او بېځايه شوو ضرورتونو ته ځواب ويونکې ده.
هغه زياته کړه دغه پالېسي د وزارت د نورو پالېسو ځای نه نيسي بلکې د نورو پالېسيو بشپړونکې ده.
ښاغلي بلخي ددغې پالېسۍ موخه د ملي او نړيوالو شريکانو سره دګډې تګلارې د نقشې، دعلمي پالېسۍ دحل لارو عملي کول، د راستنېدونکو نوې او بيا ځای پرځای کېدنه له يوې منظمې ستراتېژئ، د اوږمهالې حل لارې او د حکومت د پراختيايي مديريت ځواب ويلو رامنځ ته کول ياد کړل.
دملي وحدت حکوت رئيس ډاکټر عبدالله عبدالله دکډوالۍ پراخې پالېسۍ د برابرولو له امله د کډوالو وزارت او همکارو بنسټونو څخه د مننې ترڅنګ وويل، يوه تخنيکي کمېټه دې يو ځل بيا ددغې پالېسۍ پرمنځپانګې غور وکړي ترڅو کابينې ته د تصويب لپاره ولېږل شي