د کډوالو وزیر د پروژو دبودیجې لویه برخه بایداړمنو کورنیو ته دلاسري په برخه کې مصرف شي نه داداري لګښتونو په برخه کې
دکډوالو او راستنېدونکو چچارو وزیر نور الرحمن اخلاقي (NRC)دناروې دکډوالو کمېټې دریيسې سلیتتین سره په ناسته کې ټينګار وکړه چې دپروژو لویه برخه بودیجه دې اړمنو کورنیوته دلاسرسي په برخه کې مصرف شي نه داداري لګښتونو په برخه کې.
په دغه ناسته کې چې دسې شنبې په ورځ زمري په ٥مه د کډوالو او بیرته راستنیدونکو چارو وزارت په مرکز کې جوړه شوې وه ، د NRC چارواکو د راستنیدونکو او داخلي بې ځایه شویو خلکو لپاره د روزنې او سوداګرۍ پیاوړتیا له لارې د دندې رامینځته کولو پروژې په اړه معلومات وړاندې کړل.
د کډوالو او راستنېدونکو چارو وزیر په داسې حال کې چې د کارموندنې برنامې موثریت باندې يې ټینګار وکړ وویل: "اوس موږ په یوه بحراني حالت کې یو ، په سړکونو او آزاده هوا کې د بې ځایه شویو خلکو څپې ته باید لومړی پام وشي. پدې شرایطو کې ، د دې پروژو بودیجه چې کافي پرمختګ نه کوي باید د مرستندویانو سره په همغږي کې ترمیم شي او بې ځایه شویو ته د بشردوستانه خدماتو چمتو کولو کې وکارول شي.
هغه ټینګار وکړ چې دا باید وڅارل شي چې کار موندلو لپاره مصرف شوي لګښت د دوی اړتیاو پوره کولو لپاره مناسب تناسب دی. همدارنګه ، هغه خلک چې د دندې لټون لپاره شرکتونو ته معرفي شوي باید اړمند بېځایه شوي او راستنېدونکي وي.
