د کډوالو وزير د ملګرو ملتونو د عالي کمېشنر سره وليدل

د کډوالو او راستنېدونکو چارو وزير سيد حسين عالمي بلخي، چې د  UNHCR عمومي کلنۍ ناسته کې د ګډون په موخه سويس ته سفر کړی و، د پناه غوښتنې په برخه کې دملګروملتونو عالي کميشنر فليپيوګراندي سره ليدنه وکړه او د داخلي بېځايه شوو، راستنېدونکو  او بېځايه شوو په وضعيت يې خبرې اترې وکړې.

عالمي بلخي  په افغانستان کې د ملګروملتونو دکډوالو ادارې UNHCR  دکارونه څخه مننه وکړه او دافغان دولت په ځانګړي توګه د کډوالو چارو وزارت د لاسته راوړنو په اړه يې معلومات ورکړل. دهغه په خبره د څو کلونو راهيسې په کوربه هېوادونوکې بې اسناده  افغان کډوال د ستونزو سره لاس او ګريوان ول چې خوشبختانه دکډوالو چارو  وزات د  هڅو په پايله کې دغه  ستونزه اوس مهال دحل په حالت کې ده. همدارنګه په هندوستان هېواد کې د کډوالو د ستونزو ياده ونه کړه ويې ويل، کډوالو د ا قتصادي ستونزو له امله ونه شو کولای، چې خپله د اوسيدو موده نوې کړي او د ګاونډي هېواد د قانون مطابق دنغدي جريمې سره مخ دي چې نه دجريمې ورکولو توان لري او نه افغانستان ته د راتګ.

نو موږ له تاسې څخه غوښتنه کوو،چې  په کوربه هېوادونوکې په اوسني وضعيت کې عمومي بدلون راولئ تر څو دکډوالو ستونزې حل شي.

عالمي بلخي زياته کړه، چې د کډوالو  جامع پالېسي نهايي شوې او په کې ټول اړخونه شامل دي، لکه، د کډوالو منظموالی، دقاچاق مخنيوی، دکډوالو دشتون قانوني کول، دکډوالو پراخول او په خپله خوښه او خونديتوب سره راستنېدل، په نظر کې نيول شوي  چې کولای شي  د راتلونکو کلونو پورې يې اداره کړي.

دهغه په خبره د ولسمشرۍ ماڼۍ ۳۰۵ ګڼه اجرايوي فرمان کړنلاره  د کابينې په ناسته کې تصويب شوه او دځمکې دوېش پروسه به ډېر ژر پيل شي. نوموړي هيله ښوده، چې د پناه غوښتنې قانون به نافذ او حل شي او دکډالو ستونزه به په هماغه چوکاټ کې حل شي.

وروسته ښاغلي ګراندي د کډوالو د وزير د پنځه کلنو کړنو په اړه وويل، چې ټولې مطرح شوي موضوعات يې ياداښت کړي او له انتخاباتو وروسته به ورته پاملرنه وکړي.