د کابل موسهي ولسوالۍ کې له (١٠٠٠) کورنيو سره د خوراکي توکو مرستې وشوې
١٤٠٠کال ليندۍ، ١٤مه، کابل: افغانستان
په کابل کې د ترکيې هېواد افاد موسسې له لورې (١٠٠٠) بېوزلو بېځايه شوو کورنيو سره د خوراکي توکو مرستې وشوې.
د دغو مرستو د وېش پرمهال د کابل کډوالو او راستنېدونکو چارو رئيس قاري عبدالمتين رحيمزي د يادې موسسې څخه ځانګړې مننه وکړه و يې ويل: په تېرو شلو کلنو کې افغانستان ته په ميلونو ډالر راغلل؛ خو ملت اوس هم په فقر کې ژوند کوي.
د نوموړي په وينا دغه پيسې د تېر فاسد نظام د مفسدو چاروکو لخوا غلا شوې او ملت ته يې هېڅ ګته نه ده رسېدلې.
هغه زياته کړه د افغانستان اسلامي امارت په داسې برنامو کار کوي، چې ټولو هېوادوالو ته پکې د کار کولو زمينه برابره وي.
د ښاغلي رحيمزي په وينا، په ننيو مرستو کې وړه، غوړي، روب،چای او وريجې شاملي دي.
دغه راز د ترکيې افاد موسسې رئيس برهان اسلان د افغانستان اسلامي امارت نظم او امنيت وستايه او و يې ويل: افغانستان زموږ دوست هېواد دی او اړتيا چې په دې سختو شرايطو کې د افغانانو لاسنوي وشي.
نوموړي وويل: د افغانستان پهبېلابېلو سيمو کې زموږ ډېری موسسات کار کوي او په راتلونکي کې به هم خپلو مرستو ته دوام ورکوو او په دې برخه کې به زياتوالی راولوو.
