د پناه غوښتونکو مرستيال هېواد ته د افغان کډوالو په خپله خوښه راستنېدو ټينګارکوي
د کډوالو د هغه کمپ د ليدنې پرمهال چې په کابل کې د ډنمارک هېواد له لورې جوړ شوی د کډوالو او راستنېدونکو چارو وزارت د پناه غوښتونکو مرستيال وفي الله کاکړ د ډنمارک هېواد څخه د افغان کډوالو په خپله خوښه راستنېدو ټينګار وکړ.
دډنمارک هېواد د کډوالو اتشې پيتر په لومړي سر کې د ډنمارک هېواد څخه د افغان کډوالو په خپله خوښه راستنېدو پروسې او د دوی د بيا يوځای کېدو څرنګوالي په اړه ښاغلي کاکړ ته توضيحات ورکړ او د بيا يوځای کېدولپاره د برنامو پردوام، ظرفيت جوړونې او په دغه کمپ کې دوی ته د زده کړو او د دندې د زمينې برابرولو په اړه ډاډ ورکړ.
په ورته وخت کې کاکړ يو ځل بيا د افغان کډوالو لپاره د پام وړ مالي او رواني لګښتونو غوښتنه وکړه، چې د پناه اخيستو او مهاجرت په هيله يې مصرف کړي.
په پای کې د کډوالو او راستنېدونکو د وضعيت په اړه له خبرو وروسته د پناه غوښتونکو مرستيال وفي الله کاکړ د کډوالو دهغه کمپ څخه ليدنه وکړه چې د ډڼمارک هېواد له لورې جوړ شوی و.
