د پناه غوښتونکو مرستيال: د وزارت او ناروې ترمنځ د هوکړه ليک بيا کتنې ته اړتيا ده
د کډوالو او راستنېدونکو چارو وزارت د پناه غوښتونکو مرستيال وفي الله کاکړ د لړم په ۲۲مه په افغانستان کې د ناروې سفير اولي اندريس ليندمن سره ليدنه وکړه او د همکاريو پردوام او دنارې له حکومت سره د کډوالو وزارت د ګډ هوکړه ليک پر بيا کتنې خبرې وکړې.
ښاغلي کاکړ د افغان حکومت سره د ناروې هېواد له همکاريو په ځانګړي توګه د کډوالۍ په برخه کې مننه وکړه ويې ويل: د ناروې هېواد سره د کډوالو وزارت ګډ هوکړه ليک بيا کتنې ته اړتيا لري او د منځپانګې لپاره يې ځينو تعديلاتو ته اړتيا ليدل کېږي. له بلې خوا افغانستان ته دافغان کډوالو د راتګ مخکې د دوی د روغتياساتنې او کوېټ ۱۹ ناروغۍ د چک غوښتنه وکړه.
په ورته وخت کې د ناروې سفير د پناه غوښتونکو مرستيال ته د کډوالو وزارت د پناه غوښتونکو د مرسيتال په توګه د ټاکل کېدو مبارکي وويله او د کډوالو او راستنېدونکو چارو وزارت سره يې د کډوالۍ په برخه کې يې دناروې هېواد دهمکاريو خبر ورکړ.
