د پناه غوښتونکو مرستيالې په دولتي دفترونوکې د ښځو پر اغيزمن رول ټينګار وکړ
د کډوالو او راستنېدونکو چارو وزارت د پناه غوښتونکو مرستيالې ډاکټرې عالمې چې د روزنيزې برنامې په پرنستغونډه کې يې خبرې کولې په دولتي دفترونوکې يې د ښځو پر اغيزمن رول ټينګار وکړ.
د اسلام له نظره د ښځو د ځورونې مخنيوي قانون تر نامه لاندې روزنيز پروګرام تېره پنجشبنه د زمري په ۳۰مه په کډوالو چارو وزارت کې د وزارت د جندر امريت او مشارويت په همکارۍ جوړ شوی و.
هغه ټينګار وکړ چې تاوتريخوالی بايد له هر اړخ څخه يو بل ته ونه رسيږي. زموږ په هېواد کې اصلي ستونزه داده چې عنعنوي، دوديز او ديني ارزښتونه سره ګډ دي، دامسله د مذهبي ارزښتونو تر سرليک لاندې د بدبختيو لامل کېږي هغه څه بايد بدل شي چې داسلامي لارښوونو سره مخالف دي.
د کډوالو چارو وزارت دپناه غوښتونکو مرستيالې په داسې حال کې چې د روزنيزو برنامو په ځانګړي توګه په دفترونوکې د ښځو وضعيت ښه کولو اړوند برنامو باندې ټينګار وکړ ويې ويل چې د وزارت ټولو کارمندانو لپاره لازمه ده چې په دې برناموکې فعاله اوپراخه ونډه اوشتون ولري او د اسلام له نظره د ښځو د ځورونې مخنيوي قانون تر نامه لاندې روزنيز پروګرامونوڅخه په پوره ډول خبر وي.
هغه د وزارت د جندر امريت ته لارښوونه وکړه چې د ښځو د ځورونې مخنيوي قانون او دښځو د ځورونې مخنيوي کمېټې غړو ته ددې وزارت ټول کارمندان ور وپېژني.
