د پناه غوښتونکو مرستيالې د يوه لوړپوړي پلاوي په ګډون پاکستان ته سفر وکړ
د کډوالو او راستنېدونکو چارو وزارت مرسيتالې ډاکټرې عالمې د يوه لوړپوړې پلاوي په ګډون،چې له پاکستان سره دخبرو اترو پنځه ګونو کمېټو رئيسانو پکې هم شتون درلود هغه هېواد ته سفر وکړ.
دغه افغان پلاوي د افغانستان د بهرنيو چارو وزارت سياسي مرستيال په مشرئ د تېرې دوشنبې په ورځ دغبرګولي په ۲۰مه په اسلام آباد کې د پاکستان له پنځه ګونې پلاوي او يوشمېر چارواکو سره وليدل.
په دغه ګډه ناسته کې چې د ددواړو هېوادونو د بهرنيو چارو وزراتونو د سياسي مرستيالانو په کچه ترسره شوه، دواړو خواوو پکې د تېر کال د ناستې د سند پر اساس خپلې کړنې وڅېړلې، د پروژو او پروګرامو نو په پلي کولو کې شته ستونزې تر بحث لاندې ونيول شوې او ژمنه وشوه چې هغوی ته به رسېدګي وشوي.
دکډوالو چارو وزارت مرستيالې په دغه ناسته کې د کډوالو او راستنېدونکو د وضعيت پرښه والي او په خپله خوښه او مصئونه راستنېدنه باندې ټينګار وکړ.
د يادونې ده چې د سولې او يوځای والي په اړه د افغانستان او پاکستان د عمل پلان دسند د پيل ناسته د ۱۳۹۸ کال دچنګاښ په ۳۱مه ترسره او له هغې وروسته د پنځه ګونو کمېټو په اډانه کې د پرمختګونو او همکاريو د څرنګوالي په اړه نورې کاري ناستې په کابل او اسلام آباد کې ترسره شي.
