د پروان ولايت داخلي مهاجر شويو کورنیو لپاره د خوراکي توکو مرسته ور واستول شوه
د پروان ولايت مهاجرینو او راستنېدونکو چارو رياست ته د (500) اړمنو کورنيو لپاره د خوراکي توکو مرسته ور واستول شوه.
د دغې مرستو د سپارلو په مراسمو کې د مهاجرینو او راستنېدنکو چارو وزارت د داخلي مهاجرینو د دايمي حل رئيس مولوي شمال خان عثماني، د تدارکاتو آمر محمدقسیم کړوخیل، او د دې ولايت د مهاجرینو او راستنېدونکو چارو رئيس ميا صاحب محمد ابراهيم هم ګډون درلود.
په دغه مرستو کې، وړه، غوړي، وريجې، صابون او جاکټونه شامل دي، چې دغه ولايت ته د مهاجرینو او راستنېدونکو چارو وزارت لخوا ليږل شوي پلاوي په وینا، يادې مرستې به د رڼې او شفافې سروې وروسته په دې ولایت کې په داخلي مهاجر شویو کورنیو و ويشل شي.
