د وزارت مسلکي مرستیال زابل کې د یو روغتیايي مرکز د کاري بهیر څارنه وکړه
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد زابل ولایت ته په خپل سفر کې په دغه ولایت کې د روغتیايي مرکز د کاري بهیر څارنه وکړه.
دا روغتیایي مرکز د زابل ولایت د مرکز اړوند د باباګګ په کلي کې دی، چې د ملګرو ملتونو د کډوالو عالي کمېشنرۍ په مالي مرسته د ٣سوه ۸ زره امريکايي ډالرو په ارزښت پیل شوی دی.
په دې څارنه کې د دغه ولایت ځینو سیمه ییزو مسولینو هم ګډون کړی و او ښاغلي راشد د دې روغتیایي مرکز پر معیاري کېدو ټینګار وکړ.
