د مهاجرینو چارو وزارت ته د دفتر او کارکوونکو چارو نوي رئیسـان معرفي شول

sadam_morr
یکشنبه ۱۴۰۴/۵/۱۲ - ۱۵:۴۷
-
د افغانستان اسلامي امارت د ریاست الوزراء عالي مقام د حکم پر بنسټ، مولوي سعید احمد بنوري د مهاجرینو چارو وزارت د مقام د دفتر رئیس، او عرفان الله عباد د کارکوونکو چارو رئیس په توګه وټاکل شول
دوی د یوې رسمي غونډې په ترڅ کې د وزارت د مسلکي مرستیال مولوي عبدالرحمن راشد او مالي او اداري مرستیال شیخ کلیم‌الرحمن فاني له لورې معرفي شول
مسلکي مرستیال مولوي راشد د معرفت غونډې ته په وینا کې وویل، د اسلامي امارت د کامیابۍ راز اطاعت دی، او دنده امتیاز نه، بلکې یو مسؤلیت دی. هغه د پخوانیو رئیسـانو د هڅو ستاینه وکړه او نویو رئیسـانو ته یې په چارو کې د بریا دعا وکړه
ورپسې مالي او اداري مرستیال شیخ کلیم‌الرحمن فاني د ریاست الوزراء د دفتر له لورې صادر شوی حکم ولوست. نوموړي په خپلو خبرو کې په اطاعت ټینګار وکړ او ویې ویل، موقفونه میراثي نه دي، بلکې د ولس خدمت لپاره دي، نوموړي زیاته کړه، چې د ظرفیت لوړولو او خدماتو معیاري کولو لپاره تغیر او تبدیل یو مهم اصل دی.
په پای کې، دواړه نوي رئیسـان خپلو اړوندو کارکوونکو ته ور وپېژندل شول.

تازه خبرونه

چهارشنبه ۱۴۰۵/۸/۲۰ - ۱۴:۹
Background image

ترکیې ته د مهاجرینو چارو وزارت تللي پلاوي د خپل سفر راپور د مهاجرینو چارو له وزیر سره شریک کړ

ترکیې ته د افغان کډوالو ستونزو د حل په موخه د مهاجرینو چارو وزارت د مقام دفتر رییس ښاغلي مولوي سعید احمد بنوري پر مشرۍ، د یاد وزارت او بهرنیو چارو وزارت تللي ګډ پلاوي نن د خپل سفر راپور. . .

سه‌شنبه ۱۴۰۵/۸/۱۹ - ۱۵:۵۶
Background image

د مهاجرینو چارو وزیر د لغمان له مرستیال والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د لغمان له مرستیال والي ښاغلي حافظ انځیرګل عبدالله سره وکتل.
په دغې لیدنه کې، چې له ښاغلي عبدالله سره د. . .

یکشنبه ۱۴۰۵/۸/۱۷ - ۱۳:۳۹
Background image

د مهاجرینو چارو وزیر په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل.
د پیل په ناسته کې. . .

بېرته خبرونه ته