د مهاجرينو چارو وزارت کې د پالېسۍ او استراتېژۍ د جوړو لو په موخه ناسته ترسره شوه
د مهاجرينو او راستنېدونکو چارو وزارت کې د پالېسۍ او استراتېژۍ د جوړولو په موخه يکشنبه دسلواغې په (۲) مه د يوشمېر رئيسانو، سلاکارانو او متخصصينو په شتون کې ناسته ترسره شوه. په ناسته کې، چې د پلان او پالېسۍ د رئيس قاري احمدالله په مشرۍ ترسره شوه، ګډنوالو د پالېسۍ او استراتېژۍ د وړانديز شوي متن په اړه خبرې وکړې او په پاي کې د متن په اړينو برخو کې د سمون په موخه لازم نظرونه وړاندې شول چې په ذکر شوي متن کې به شامل شي.
تر دې وړاندې د وزارت مقام د حکم پر اساس د وزارت د پالېسۍ او استراتېژۍ د بيا کتنې او ارزونې په موخه يوه کمېټه ټاکل شوې وه، دغه کمېټې د وزارت د پالېسۍ استراتېژۍ وړانديز شوی متن د وزارت د پلان او پالېسۍ رياست سره په همغږۍ د مرکزي او ولايتي رياستونو او آمريتونو د نظرياتو په نظر کې نيولو سره چمتوکړ.