د لومړنيو مرستو دوېش ورکشاپ په کډوالو چارو وزارت کې ترسره شوه
د لومړنيو مرستو دوېش ورکشاپ د وږي په ۱۱مه دکډوالو او راستنېدونکو چارو وزارت کې د ترسره شو.
د کډوالو او راستنېدونکو چارو وزارت د بشري سرچينو رئيس د د پروګرام په جريان کې وويل، چې په څانګو کې لومړنيو مرستو ته اړتيا ده او د هرې څانګې لپاره بايد لومړيتوب په نظرکې ونيول شي، په ځانګړي توګه دکډوالو او راستنېدونکو چارو وزارت چې له اړمنو او زيانمن شوو سره سروکار لري.
هغه زياته کړه کارکوونکي بايد د ټولو لومړنيو مرستو څخه خبر وي. دا په داسې حال کې ده،چې دکرونا ويرس اوس هم په ټول هېواد کې شته او اړتيا ده چې دولتي ټولنې په ځانګړې توګه د کارکوونکو روغتيا او ژند ته ډېره پاملرنه وکړي.
