دکډوالۍ نړيوال سازمان لوړ رتبه هئيت د مهاجرينو او بېرته راستنېدونکو چارو سرپرست وزير سره وکتل
د ای او ام نړيوال سازمان لوړ رتبه هئيت د مهاجرينو او بېرته راستنېدونکو چارو وزارت سرپرست وزير الحاج خليل الرحمن حقاني سره وکتل.
په دغه کتنه کې ددې سازمان په پروګرامونو او اهدافو, ددې وزارت په پلانونو او لومړيتوبونو, د کارکوونکو امنيت, خدماتو ته د نارينه او ښځينه وو په لاسرسي, په مصؤن او منظم ډول په مهاجرتونو, داخلي بې ځايه شويو د سره پناه برابرولو او د ژمي تر رارسېدو وړاندې له دوی سره د خوارکي او غېري خوراکي توکو په مرستو, او د مهاجرينو وزارت سره د همکارۍ او همغږۍ په لا پراختيا بحث او خبرې وشوې
