دبلخ ولايت يوشمېر ديني عالمانو، قومي مشرانو،ځوانانو او مدني فعالانو دکډوالو چارو له وزير سره وليدل
دبلخ ولايت يوشمېر ديني عالمانو، قومي مشرانو،ځوانانو،فرهنګيانو او مدني فعالانو د تېرې جمعې په وځ د غبرګولي په ۲۴مه په بېلابېلو ليدنو کې بلخ ولايت ته دکډوالو چارو وزير د راتګ له امله ښه راغلاست ووايه.
دوی بېځايه شوو او راستنو شوو ته د خدمتوو وړاندې کولو په برخه کې دکډوالو چارو وزير کړنې وستايلې او د بېځايه شوو او راستنېدونکووضعيت ته د رسېدنې او نورو بېلابېلو مسايلو په اړه خبرې اترې وشوې.
د شمال ځوانانو بنسټ غړو، چې دکډوالو چارو له وزير سره يې ليدنه لرله، بېځايه شوو او راستنېدونکو ته دښو خدمتونو له امله يې دکډوالو چارو وزير کړنې په يوه ستاينليک سره وستايلې.
