الحاج خلیل الرحمان حقاني د چین له سرپرست سفير سره وکتل

sadam_morr
چهارشنبه ۱۴۰۱/۲/۷ - ۵:۲۶
صدام انوری
د مهاجرینو او راستنېدونکو چارو وزیر الحاج خلیل الرحمان حقاني په افغانستان کې د چین هېواد له سرپرست سفیر ښاغلي "Ding Yinan" سره په خپل کاري دفتر کې ولیدل
لومړی ښاغلي " یينان " د افغانستان لپاره د چین هیواد د پالیسۍ په اړه معلومات وړاندې کړل
هغه وویل: مونږ د افغانستان خپلواکۍ، د افغانانو خوښې او د افغانستان مذهب او کلتور ته په احترام قایل یو، نه غواړو، چې د افغانستان په داخلي چارو کې مداخله وکړو او یا له سیاسي موقف څخه ناوړه استفاده وکړو
نوموړي زیاته کړه، چین د افغانستان په اړه ډېر ثابت او قوي دریځ لري او غواړي په هره برخه کې د افغانانو لاسنیوی وکړي او د افغانستان اقتصاد په پښو ودریږي
ښاغلي حقاني نوموړي ته د ښه راغلاست ترڅنګ د چین هیواد له بشري مرستو څخه مننه وکړه او زیاته یې کړه، چې دغه مرستې د افغانانو اساسي ستونزه نشي حل کولای، او باید له افغانانو سره د کار روزګار او معیشیت په برخه کې مرسته وشي ترڅو نورو ته د سوال او لاسنیوي څخه خلاص شي
د مهاجرینو او راستنېدونکو چارو مرستیال محمد ارسلاح خروټي د خپلو خبرو پردوام وویل: چین هیواد تل د افغانستان یو ښه ګاونډي پاتې شوی او تل یې له افغانانو سره همکاري کړې ده، هغه زیاته کړه، کومه مرسته، چې له چین هیواد څخه راځي، که دلته په افغانستان کې خریداري شي نو اندازه به یې څو چنده شي
نوموړي له چین هیواد څخه وغوښتل، چې د مهاجرینو لپاره د سکالرشیپونو یوه کوټه ځانګړې کړي

تازه خبرونه

پنجشنبه ۱۴۰۱/۴/۹ - ۱۲:۱۸
Background image

د خوست ولايت د سپېرې ولسوالۍ د دولس (۱۲) لويو کليو په زلزله ځپلو آړمنو کورنیو مرسته وویشل شوه

د افغانستان د اسلامي امارت د مهاجرينو او راستنېدونکو چارو وزارت د قدرمن وزير صاحب د نظر لاندی او د ياد وزارت په همکارۍ د روان کال د غبرګولي په 7مه د دوشنبي په ورځ د ياد ولايت په دولسو. . .
دوشنبه ۱۴۰۱/۴/۶ - ۸:۳۵
Background image

د مهاجرینو چارو وزیر د زلزله ځپلو سره د مرستو له بهیر څخه څارنه وکړه

د مهاجرینو او راستنېدونکو چارو وزیر الحاج خلیل الرحمن حقاني د خوست ولایت سپېرې ولسوالۍ او پکتیکا ولایت برمل ولسوالۍ کې له زلزله ځپلو سره د مرستو بهیر څارنه وکړه، د مرستو د ویش. . .
یکشنبه ۱۴۰۱/۴/۵ - ۲۳:۳۵
Background image

د بېلابېلو ادارو ترمنځ ګډه ناسته ترسره شوه

د پکتیکا او خوست ولایتونو د وروستۍ زلزلې له امله له زیانمنو شویو کورنیو سره د مرستې په موخه ګډه غونډه د یکشنبې په ورځ د سرطان په ۵مه د مهاجرینو، د پېښو سره د مبارزې، اقتصاد او عامې. . .

بېرته خبرونه ته