د کډوالو او راستنېدونکو چارو وزارت نوی مرستیال معرفی شو

anwari_morr
سه‌شنبه ۱۴۰۰/۶/۳۰ - ۱۸:۲۱
__________
 
نن ۳ شنبه د وږي د میاشتی ۳۰مه نېټه ښاغلی الحاج ارسلاخان خروټی د کډوالو او راستنېدونکو چارو وزیر الحاج خلیل الرحمن حقانی لخوا د مالي او اداري مرستیال په ټوګه معرفی شو.
د کډوالو چارو وزیر وویل: دا کارونه مسؤولیت او د ولس خدمت دی او ټول مسؤولین باید ځانونه د الله تعالی او بیا ولس د خدمت مسؤول وګڼي .
وروسته ښاغلي خروټي د افغانستان اسلامي امارت او د کډوالو چارو له وزیر څخه مننه وکړه.
نوموړي وویل: د افغانستان د اسلامی امارت له مشرتابه او ښاغلي وزیر صاحب څخه مننه کوم چې پر موږ یې د دغه دروند مسؤولیت باور وکړ او زیاته یې کړه، چې زه د مرستیال په صفت نه ، بلکې د یوه خدمت ګار په توګه کوښښ کوم، چې د دغه باور د ساتنې او پرځای کولو لپاره خپلې هلې ځلې جاري و ساتم .
نوموړي زیاته کړه، چې زموږ کوم هېواد‌وال له خپل هیواده بهر او دننه د کډوالۍ شپې او ورځی تیروي، د راستنېدو او ځای پر ځای کولو لپاره به يې زمینه برابره کړو.
ښاغلي خروټی وویل : زه د کډالو او راستنېدونکو چارو وزارت د مرستیال په صفت په نړیوالو مرستندویه موسساتو او نورو اړوندو ادارو غږ کوم چې د مهاجرینو وزارت سره له سیاسی ملحوظاتو پرته د بشر دوستانه پالیسۍ په نظر کې نیولو سره د مهاجرینو د راستنیدو او داخلی بیځایه شویو د ځای پر ځای کېدو لپاره خپلی مرستې وکړې.

 

تازه خبرونه

دوشنبه ۱۴۰۰/۷/۲۶ - ۱۵:۴۰
Background image

د پاکستان الخدمت خېريه بنسټ له لوري په پکتيکا ولايت کې اړمنو او بېځايه شويو کورنيو سره د خوراکي توکو مرسته وشوه

1400کال, تلې، 18مه،کابل،پکتیکا

د پاکستان هېواد، الخدمت خېريه بنسټ له لوري د(124) ټنه په ارزښت د (2100) بې ځایه شویو او اړمنو کورنیو لپاره د خوراکي توکو مرسته د کډوالو او راستنېدونکو. . .

یکشنبه ۱۴۰۰/۷/۲۵ - ۸:۳۹
Background image

په کابل کې (500) اړمنو او بې ځايه شويو کورنيو سره د خوراکي توکو مرسته وشوه

1400کال, تلې، 2۵مه،کابل،افغانستان

په کابل (500) اړمنو او بې ځايه شويو کورنيو سره بېلابېلو خوراکي توکو مرسته وشوه.

د دغو مرستو د ويش پر مهال د کابل د کډوالو او راستنېدونکو چارو رئيس. . .

شنبه ۱۴۰۰/۷/۲۴ - ۶:۱۰
Background image

پاکستان له افغانستان سره شپاړس لارۍ خوراکۍ او د ژمي توکو مرسته وکړه

دغه مرستې پرون ماښام په کابل کې د پاکستان سفير ښاغلي منصور احمد خان د افغانستان اسلامي امارت د کډوالو او راستنېدونکو چارو سرپرست وزير الحاج خلیل الرحمن حقاني ته وسپارلې.

ښاغلي حقاني د. . .

بېرته خبرونه ته