د مهاجرینو وزارت مسلکي معین د تخار له والي سره ولیدل
د مهاجرینو او راستنېدونکو چارو وزارت مسلکي معین مولوي عبدالرحمن راشد تخار ته د سفر په ترڅ کې د یاد ولایت والي مولوي عبیدالله امین زاده سره ولیدل.
په دې لیدنه کې مسلکي معین له تخار والي سره د بې ځایه شویو او راستنو شویو د ستونزو په اړه خبرې وکړې.
د تخار والي د ښه راغلاست تر څنګ د یاد وزارت کړنې وستایلې او د همکارۍ ډاډ یې ورکړ.
د یو بل خبر له مخې، د مهاجرینو او راستنېدونکو چارو وزارت مسلکي معین د تخار مهاجرینو رییس حافظ شیر احمد سره ولیدل.
په دې لیدنه کې مسلکي معین یاد ولایت ته د خپل سفر موخه د طبعي پېښو له امله د زیانمنو شویو سیمو لیدنه او د خلکو مشکلاتو ته رسېدنه یاده کړه.
بل لورته د مهاجرینو رییس په تخار ولایت کې مهاجرینو ته د خدماتو د وړاندې کولو په برخه کې ډاډ ورکړ او زیاته یې کړه، چې د ولایت نورو ادارو سره په همغږۍ ورته سېدنه کیږي.
