غزني کې د تېرې شپې سېلاب زیانونه اړولي دي
د غزني ولايت د مهاجرينو او راستنېدونکو چارو رياست د معلوماتو له مخې، تېره شپه په دغه ولايت کې د سېلاب له امله درې تنه مړه شوي، ٥٠٠ جريبه کرنيزه ځمکه او ١٠ کورونه په بشپړه توګه ويجاړ شوي او ١٢ څاروي له منځه وړل شوي دي.
د سرچينې د معلوماتو له مخې، دا سېلاب د دغه ولايت د ده يک ولسوالۍ په شيربز، بهاري، شادي کلا او نورو سيمو کې راوتلى او له امله يې ١١ کورنۍ بېځايه شوې دي او د مهاجرینو چارو رياست د سروې ټيمونه سیمو ته استول شوي دي.