هلمند کې بېځايه شوو کورنيوسره مرستې وشوې

د يوشمېر مرستندويه ادارو له لورې د هلمند ولايت دکډوالو چارو رياست په همکارۍ ۱۳۶ بېځايه شوو کورنيو سره نغدي، خوراکي او غير خوراکي موادو مرستې وشوې.

يادې کورنۍ چې د جګړو له امله د نادعلي، ناوې،نهرسراج ولسواليو او بولان سيمې څخه لښکر ګاه ښارته راکډه شوې وې د غبرګولي په ۵ مه هرې کورنۍ ته ۱۴۰۰۰ افغانۍ نغدې، ۱۸۴ کيلو اوړه، ۲۵ کيلو دالنخود، ۱۸ کيلو غوړي، شېدو لرونکو او حامله ميندو ته ۵ کيلو د سوپرسيريال اوړه،روغتيايي کڅوړې، دوه ترپالونه، درې کمپلې، معدني اوبه، تشنابونه او دپخلنځي وسايل ووېشل شول.