د کډوالو او راستنېدونکیو چارو وزیر د کورنیو چارو له وزیر سره ولیدل
د کډوالو او راستنېدونکیو چارو سرپرست وزیر محترم مولوي عبدالکبیر د کورنیو چارو له سرپرست وزیر محترم خلیفه سراج الدین حقاني، د دغه وزارت له لومړي مرستیال محمد نبي عمري او د ملي دفاع وزارت د لوی درستیز مرستیال حاجي مالي خان سره ولیدل.
په دې لیدنه کې د هېواد پر وروستیو تحولاتو او کډوالو ته د رسیدګۍ پر چمتووالي بحث وشو.
محترم مولوي عبدالکبیر وویل، چې په ټولو ولایاتو او بنادرو کې د کډوالو لپاره چمتوالی نیول شوی دی.
هغه له ولسونو، شتمنو هېوادوالو او امنیتي ادارو څخه وغوښتل چې له راستنېدونکیو افغانانو سره تر خپل توانه مرسته وکړي.
