د پکتیا د کډوالو رئیس د نړیوال سازمان د بشري مرستو له مسؤل سره وکتل
د پکتیا د کډوالو او بېرته راستنېدونکو چارو رئیس، مفتي حبیب الله شهیدزاده، د حوت په ۳۰مه نېټه د افغانستان لپاره د نړیوال سازمان د کډوالۍ د بشري مرستو د لاسرسي مسؤل، ښاغلي عدنان بغجتي، او د هغه د مل پلاوي سره وکتل.
په دې ناسته کې د کډوالو له ستونزو سره د مبارزې او د هېواد په پولو کې د هغوی لپاره د لا ښه اسانتیاوو برابرولو په اړه بحث وشو.
دواړو لوریو ژمنه وکړه چې د کډوالو لپاره د خدماتو د ښه وړاندې کولو په برخه کې به لا زیاتې همکارۍ او همغږي وکړي.