پاکستان کې ۲۱ افغان کډوال له بنده خوشې شول
په پاکستان کې ۲۱ افغان کډوال وړمه ورځ د کب پر ۱۹مه نېټه له بنده خوشې او خپل هېواد ته راستانه شول.
د کندهار ولايت د سپين بولدک د سرحدي آمریت د معلوماتو له مخې، دغه کسان د پاکستان د بلوچستان د صوبې په بېلابېلو سيمو کې د قانوني اسنادو د نه لرلو له امله نيول شوي وو او ۵ تر ۲۵ میاشتو پورې بنديان وو، چې د بشري مرستو له ترلاسه کولو وروسته خپلو اصلي ځایونو ته ولېږدول شول.