د مهاجرینو د ثبت او تثبیت کمیټې غړو د نیمروز ولایت له مرستیال والي سره وکتل
د نیمروز ولایت د مهاجرینو ریاست د معلوماتو له مخې، د مهاجرینو او راستنېدونکو چارو د ثبت او تثبیت د کمیټې غړو د کب پر ۱۹ مه د نیمروز له مرستیال والي ملا تورجان احمدي سره وکتل.
په دې ناسته کې د کمېټې غړو خپل راپور له مرستيال والي سره شريک کړ او په اړوندو چارو کې يې خپلې ننګونې او هپل وړانديزونه هم شريک کړل.
مرستيال والي د دوی ستونزې او وړانديزونه واورېدل او د مهاجرينو د کړکېچ د ښه مديريت په موخه يې اړبنې لارښوونې هم ورته وړاندې کړې.
ښاغلي احمدي زیاته کړه: راستنېدونکو ته دې په بېلابېلو برخو کې اړینې اسانتیاوې برابرې شي، چې دوی وکولای شي خپل ورځنی ژوند په ښه توګه پرمخ بوځي او د روژې په مبارکه میاشت کې راستنېدونکو کډوالو ته ښه خدمتونه وړاندې شي.