کابل کې له ۲ زره زیاتو کورنیو سره مرسته وشوه
کابل کې د کب په ۱۶ مه نېټه له ۲ زره ۴۲۶ کورنیو سره نغدي مرسته وشوه.
دغه کورنۍ چې اړمنې وې له وړاندې د کډوالو وزارت په یولسمه او پنځلسمه ناحیه کې پېژندل شوې وې، د کډوالو وزارت د یو همکار بنسټ له لوري هرې کورنۍ ۲ زره ۹۰۰ افغانۍ او یوه بسته خوراکي کڅوړه ورکړل شول.
د یو بل خبر له مخې، د کابل ښار په درېیمه، نولسمه، شلمه او یوېشتمه ناحیو کې له ۲ زره ۴۶۲ اړمنو کورنیو سره نغدي مرسته وشوه.
یادې کورنۍ چې له وړاندې د کډوالو ریاست له لوري پېژندل شوې وې، هرې کورنۍ ته ۲ زره ۹۰۰ افغانۍ او یوه روغتیايي کڅوړه ورکړل شوه.