هلمند کې د همغږۍ ناسته وشوه
د هلمند ولایت په مهاجرینو او راستنیدونکو چارو ریاست کې د کب پر ۱۲مه د همکارو موسسو له استازو سره ستونزو ته د رسېدنې او د حللارو موندلو په موخه د همغږۍ ناسته ترسره شوه.
د هلمند ولايت د مهاجرینو چارو رياست مسولينو په دغه ولايت کې د همکارو بنسټونو د مرستو ستاينه وکړه او د بې ځايه شويو او راستنېدونکو ستونزو او اړتياوو ته په کتو يې د دغو کورنيو د ستونزو د هواري لپاره د لا زياتو مرستو او هڅو غوښتنه څرګنده کړه.
د ناستې ګډونوالو په دې برخه کې له اړوندو سکتورونو سره په ګډه د خپلې همکارۍ ډاډ ورکړ.