د هېواد په پنځو ولایتونو کې له څه باندې زرو کورنیو سره د نغدي پیسو او غیر خوراکي توکو مرستې وشوې
د هېواد په پنځو ولایتونو غور، بادغیس فاریاب، پکتیا او دایکندي ولایتونو کې د مرغومي پر لسمه نېټه یو زرو ۲۸۳ بې ځایه شویو، راستنو شویو، بې وزلو او د طبیعي پېښو له امله زیانمنو شویو کورنیو ته د نغدي پیسو او غیر خوراکي توکو مرستې وویشل شوې.
دغه شوې کورنۍ مخکې د دغو ولايتونو د مهاجرينو چارو رياستونو له خوا سروې او پيژندل شوې وې.
په دې مرستو کې په غور ولایت کې له ۱۰۹ کورنیو سره ۱۴ زره افغانیو، د دایکندي ولایت له ۹۳۳ کورنیو سره ۱۴ زره او ۱۱۰ افغانیو، په بادغیس ولایت کې له ۹۲ کورنیو سره په پنځو برخو کې د کوچنیو او منځنیو کاروبارونو د پیاوړتیا په موخه ۴۳ زره او ۶۸، ۱۶ زره ۵۳۴، ۵۲ زره ۹۲۰ او ۷۰ زره ۵۶۰ افغانیو مرسته وشوه.
په فاریاب ولایت کې ۱۲۴ کورنیو سره د یو لک ۵ زره او ۸۴۰ افغانۍ، ۹ ډوله غیر خوراکي توکي: د اوبو سطلونه، د اوبو بوشکې، سولري څراغونه، کمپلې، ترپالونه، روغتیایي کڅوړې او د پخلنځي لوښي او په پکتیا ولایت کې ۲۵ کورنیو ته د وزارت د همکارو بنسټونو په همکارۍ د خیاطۍ اوه ډوله وسایل ووېشل شول