ننګرهار کې ۶۰۰ راستنو شویو کورنیو سره د روغتیایي کڅوړو مرسته وشوه
د ننګرهار ولایت د مهاجرینو او راستنېدونکو چارو ریاست په هلو ځلو، د یونيسف موسسې په مالي او د اوچا موسسې په تخنیکي همکارۍ ۶۰۰ راستنو شویو مهاجرینو کورنیو ته په غني خېلو ولسوالۍ کې روغتیایي کڅوړې ووېشل شوې.
د معلوماتو له مخې په دې مرستو کې هرې کورنۍ ته یوه یوه کڅوړه ورکړل شوه، چې په بېلابېلو روغتیايي اړتیاوو کې د کارونې لپاره اړین توکي پکې شامل دي.
همداراز د مهاجرینو چارو وزارت مشرتابه هڅه او هاند کوي، چې د همکارو بنسټونو په همغږۍ ټولو راستنېدونکو مهاجرینو سره اړینې مرستې وکړي.